حوار صحفي مع الطالبة المتميزة رقية حسن عبداللاه
♡♡♡♡♡♡♡♡♡♡♡♡♡♡
"تسر جريدة إرتقاء الكُتاب بعمل حوار مع الطالبة المتميزة"
وها نحن الآن مع التميز والاستمرار والسعي في التفوق، مع البقاء والحفاظ على أحلامنا، شخصًا يحارب من أجل الوصول لما يريد، يعافر لكي يظهر أفضل ما يكون.
♡♡♡♡♡♡♡♡♡♡♡♡♡♡♡
《الاسم》 :-رقية حسين عبداللاه
《السن》 :-18
《المحافظة》 :-بورسعيد
《ماهي إنجازاتك وعلى أي مركز حصلت؟«تكلم عنك»
حصلت على المركز الأول على مستوى المحافظة في الثانوية الازهرية للقسم العلمي
《من الذى كان يمثل لك الدعم في طريقك الدراسي؟》 :-
ربنا سبحانه و تعالي ثم أهلي و طبعا أخص بالذكر أبي و أمي و أختي ثم مدرسيني دعموني كتييير جدا ربنا يبارك فيهم
《هل واجهتك صعوبات أثناء الدراسة وكيف تخطيتها؟》 :-
هل واجهتك صعوبات أثناء الدراسة وكيف تخطيتها : واجهتني صعوبات كتييير و اكترها كانت صعوبات نفسية بسبب الضغط و الي كانت بتأثر بشكل سلبي علي صحتي و الي لازلت بعاني من أثرها
كنت بحاول اني اتخطي الصعوبات بالصبر و احتساب ده لوجه الله و طبعا لازم في أوقات كنت بحس بفتور و ملل و وقتها كنت بعالج ده بإني بفصل شوية من المذاكرة حتي لو ربع ساعة مثلا
كنت برجع للقرءان كتير لما احس باليأس او لما كان مستوايا بينزل في اي مادة
《مثلك الأعلى؟》 :-
هو طبعا انا نفسي أمشي علي نهج الرسول صلي الله عليه و سلم بس موصلتش لده نفسي بجد ربنا يعيني و اكون كده
لكن قدوتي في الحياة ففي كتير بيعجبني فيهم حاجات و كنت بحاول اعملها او اقتدي بيهم فيها
بي هو الاتنين الي كنت برجعلهم في اكتر المواقف الي قابلتني و كنت بقتدي بيهم في حاجات كتير
أبي (ربنا يبارك في عمره يا رب )
مستر محمد غنام(ربنا يجازيه عني خير)
《كلمة تريد توجيهها للطلاب للتحفيز》 :-
أولا: انا واحدة زيي زيكم بمعني إن أي واحدة بتجتهد تقدر تعمل الي أنا عملته فمحدش يقول علي نفسه فاشل لمجرد حد قاله كده لأن ياما إتقال كده علي ناس و يقدروا يحققوا أحلامهم
ثقوا في الله و إنه قادر يحقق المستحيل
ثانيا : بنصحهم إنهم لما يبدأوا يجعلوا نيتهم لوجه الله نية طلب العلم و مينسوش "يرفع الله الذين ءامنوا و الذين أوتوا العلم درجات"
ثالثا: الالتزام و تنظيم الوقت
مهم جدا يكتبوا المهام بتاعت اليوم و الدروس الي عليهم في ورقة قبل ميبدأو
رابعا: السنه حلوة فيها تفاصيل كتير جميلة عايزة أقولهم يستمتعوا بكل حاجه و ميضيعوهاش بالقلق و التوتر
أخيراً: السنه طويلة ابدأوها بالراحة و واحدة واحدة و بلاش تضغطوا اوي و لا تريحوا اوي امشوا وسط و متستخسروش انكم تتعبوا لأن السنه دي تستاهل التعب
متنسوش قوله تعالي "و الذين جاهدوا فينا لنهدينهم سبلنا " طول ما بتجاهدوا هتوصلوا
《كلمه تريد قولها لنختتم بها الحوار》
كلمة تريد أن تختم بها الحوار: الرضا أهم حاجة
ارضي بالي ربنا يكتبهولك أيا كان
و لا تنسي أن الله لا يضيع أجر من أحسن عملا
ثق بأن الله يختار لنا الخير دائما
و متنساش حاول دايما تثقف نفسك و تتطور من ذاتك أيا كان مجالك أثبت نفسك حتي لو حلم الثانوية ضاع اصنع غيره حلم جديد و متقفش
♡♡♡♡♡♡♡♡♡♡♡♡♡♡♡
رئيس التحرير: هاجر محمد ﴿الملاك الحزين﴾
المحررة الصحفية:- نور خالد أبو المجد
♡♡♡♡♡♡♡♡♡♡♡♡♡♡♡
