حوار صحفي مع الكاتبة نيره السيد
♡♡♡♡♡♡♡♡♡♡♡♡♡♡
"تسر جريدة إرتقاء الكُتاب بعمل حوار مع الكاتبة المتميزة"
وها نحن الآن مع التميز والاستمرار والسعي في التفوق، مع البقاء والحفاظ على أحلامنا، شخصًا يحارب من أجل الوصول لما يريد، يعافر لكي يظهر أفضل ما يكون.
♡♡♡♡♡♡♡♡♡♡♡♡♡♡♡
《الاسم》 :- نيره السيد صديق
《السن》 :- ٢٠
《المحافظة》 :- دمياط
《لقبك》 :- مفيش لقب محدد بس انا بفضل ننوس
《منذ متي بدأت في مجال الكتابة 》 :-
يعني كنت بكتب من فتره كنت لسه في تانيه ثانوي بس كنت بحتفظ بالكتابه لنفسي انما اتجرأت واخدت الخطوه في اني انشر كتباتي في اول شهر تسعه اللي عدي كان يوم عيد ميلادي
《ماهي إنجازاتك؟》 :- كتاب حبر مفقود يعتبر هوا اول عمل ورقي اشارك فيه
《من الذى كان يمثل لك الدعم في طريقك؟》 :-
اخويا الكبير شجعني اني اخد الخطوه دي وكان ديما واقف معايا
《ماهي صفات الكاتب المثالي وما يجب أن تكون له من صفات؟》 :-
ديما بشوف ان من صفات الكاتب انه لازم يكون عنده اخلاق عاليه واسلوب كويس في الكلام مع الغير وأنه يكون داعم برده لاي حد محتاج منه مساعده في الكتابه ويشجعه غير انه يكون عنده تواضع ويحترم الشخص اللي بيكلمه سواء صغير او كبير
《شيء من موهبتك》 :-
_رحمه
=ايه في ايه ؟
_عاوزه اقولك علي سر خطير
=ايه انتي اللي قتلتي موفسا؟
_لا، سر اخطر
=ابهريني
_شايفه اللي علي الطرابيزه اللي قدامنا دا
=ابو تيشيرت اسود دا
_اه هوا
=انا من اول ماشوفته من فتره كدا وانا براقبه وباجي هنا في المواعيد اللي بيجي فيها ,حلو اووي يرحمه هوا واللاب بتاعه
_بجد والله
=اه والله
_نور حبيبتي الناس كلها عارفه ياما دا عمو ايمن البقال عارف يابنتي انتي مفضوحه اصلا
=ياشيخه قولي كلام غير دااا
_ لا مفيش غير الكلام دا
=انا متفاجأه جدا
_والله محد هيقصف عمري الا انتي
=طب بقولك ايه؟
ماتحاولي كدا اعرفيلي هوا مين انا كل اللي اعرفه انه اسمه ادم
_وعرفتي منين يخلبوصه
=ممكن عشان الجرسون بيقوله نورتنا ي استاذ ادم
=تمام اقنعتيني ، بكره هجبلك تاريخه كله
_اوكييه
=الاه الاه الاه
_ايه في ايه ؟
=جاي علينا يرحمه جاي علينا قلبي هيقف والله..... ايه دا اتخطانا عادي كدا
_بالله فصلت شكلك كان رهيب يبت خليكي تقيله
=طب اعرفيلي بقا ونتقابل هنا بكره تاني
_تمام
_________
_ايه الاخبار؟؟؟
=جبتلك تاريخ حياته ؟
_احلفي
=من غير حلفان ،بصي ياستي
_ايوه... قولي بسرعه ...هااا ...في ايه؟
=اعطي للخلفتني فرصة اتكلم
_ماتقولي
=هوا مهندس برمجة، متخرج بقاله سنتين وشغال في شركه كده مش عارفه انطق اسمها
_ايه دا ،دا خطر يابنتي
=فعلا الناس دي تقلقي منها دول أسوأ من بتوع هندسه ,هوا بصي هيا الرجاله كلها قلق في العموم،المهم خدي الورقه دي فيها كل حاجه عنه سنه كليته عنوانه
_احيييه ،وصلتي لعنوانه
=يابنتي عيب عليكي دا وعنوان الشركه اللي بيشتغل فيها كمان
_اشطا عليكي يرحمه
=الاه دا جاي علينا تاني
_اثبتي بدل ماتتفضحي زي المره اللي فاتت اعملي نفسك حوله
=انسه نور!؟
_.....
=يا انسه نور
_.....
\يابنتي ردي علي الراجل
_اه صح..ايوه .انا نور.صح
\معلش هيا مرهقه شويا
=لا مفيش مشكله بس حضرتك نسيتي الكتاب دا امبارح وانا شوفته ف احتفظت بيه اتفضلي
_عينيك دي ولا لينسيز
=افندم!؟
/بتقولك متشكره جدا اتفضل اتفضل
_يالي فضحاني في كل حته، عينك دي ولا لينسيز انتي تعبانه في دماغك يابنتي
=مهو مش معقول دي بُني طبيعي كدا جذابه اوووي
_يارب الصبر
في الحقيقه بقيت كل يوم اروح فيه الكافيه دا ،اقرا في روايه واشرب قهوه والصراحه كدا بقا واتأمل فيه هوا يبان عليا مدلوقه اووي بس من جويا مدلوقه برده عادي جدا لحد لما جه يوم وتقريبا اتجننت
_وانت بقا مخترق الحسابات ومولع اللمبات وعامل حوارات!؟
=افندم!؟
_لا افندم ايه قولي اخترقت كام حساب لحد الوقتي بما انك مبرمج وكدا يعني؟
=وانتي كل فكرتك عن المبرمجين اختراق الحسابات
_ايه دا هوا لاء
=....انتي بجد ،يعني انتي طبيعيه
_ومبقاش طبيعيه ليه مش فاهمه
=هوا العادي انك تيجي وتقعدي معايا عادي كدا
_مش عادي صح!؟
=انا ممكن اخد عنك فكره مش كويسه خالص عالفكره
_يعني انت الوقتي شايفني مش كويسه!؟
=اي حد والله هيفهم كدا
_تمام انا متأسفه علي الازعاج
=.....
_مش هتقولي برده اخترقت كام حساب
=يااارب
مشيت الصراحه علي قد ماكنت مبسوطه علي قد ما انا اضايقت انه اخد عني فكره مش كويسه انا اه متهوره بس انا محترمه جدا والله مش ذنبي انه بني ادم مش بيفهم يعني تباً له والله ومن النهارده مش راحه الكافيه دا تاني ولا معبراه اصلا بني ادم مهز.ق
= اخترقت حساباتي ولا لسه
_وانا اخترق حساباتك ليه يابنتي انا اعرفك
=ايه دا متعرفنيش لا ازاي دا احنا لازم نتعرف بقااا
_....
=انا نور
الاه ضحك يعني قلبه مال
_وانا ادم
=عاشت الاسامي ي اخ اندومي
_اندومي !؟
=اه ,ايه دا انت متضايق ولا ايه اوعي اكون مضيقاك
_ولو مضيقاني هتقومي
=طبعا لاء.. اطلبلي قهوه يلا
_الصبر
بقيت امر واقع بالنسبه ليه بقيت ارخم عليه عالطول وبحكيله تفاصيل هوا مالوش علاقه بيها بس بحكي، اللي واجعني بقا انه مش مهتم وجودي زي عدمه انا اه بحبه..ايوه فعلا بحبه بس مش انا اللي اهين من نفسي عشان كدا قررت ابعد انا اللي كنت فارضه نفسي عليه وعشان كدا لازم ابعد انا مش قليله عشان اعمل كدا في نفسي
بعد مرور شهر :
_الو
=مش من حقك علي فكره تعملي كدا معايا مش من حقك ابدا تخرجي من حياتي بمزاجك بعد اما اقتحمتيها كدا مش من حقك تعيشيني في التوهه دي بعد اما كنت مش مصدق انك اصلا واقفه قدامي وبكلمك
_ادم!!!
=ايوه ادم اللي انتي تعبتيه ادم اللي كان بيراقب منك كل حركه بتعمليها القهوه المظبوطه اللي كنتي عالطول بتطلبيها ولو حبيتي تغيري كنتي بتشربي مانجه وفي الشتا سحلب ادم اللي حفظ كل تفاصيلك بكل روايه انتي كنتي بتقرأيها (انت لي_ نصف ميت_رحلتي من الشك للشك برده_ابتسم ف انت ميت _مُفك صليبه ) وغيرهم كتير كانت اختياراتك عشوائيه بس طلاما منك ف تتحب كنتي اي حركه بيتعملها بتتحفر في ذاكرتي يوم لما جيت اديكي الكتاب مكنتش مصدق نفسي ان انا وانتي بنتكلم حتي لو مكملناش جملتين كنت باجي اراقبك قبل اما ادخل وبفضل اراقبك طول منا قاعد لما جيتي وقفتي قصادي وبتهزري بالكلام مكنتش مصدق قلبي اتنفض كنت حاسس اني بحلم واضايقت من تهورك كان ممكن اي حد يفهمك غلط بس الا انا كنت ببعد عشان متهورش بالكلام معاكي عشان احافظ عليكي من اي كلمه ممكن تزعلك ممكن طريقتي غلط وانا اسف بس والله انا عاشق
_ادم ..انا بجد مش قادره اصدق !؟ دا بجد
=والله كل كلمه قولتها هيا الحقيقه انا بحبك ينور
_...
=بالله عليكي ماتبكي انا اسف حقك علي قلبي
_حاسه اني بحلم مش مصدقه اللي بتقوله
=لا صدقي عشان دي الحقيقه
_وعاملي تقيل وانت اصلا واقع علي بوزك
=انا فعلا واقع وواقع اوي والله المهم انك تقومي الوقتي تفتحي الباب
_ايه !؟
=ايه اللي ايه !؟ قومي يلا
_ادم بتعمل ايه هنا
=جاي اقابل والدك حاسبي دخليني وخدي الورد دا
_لا والله كدا كتير علي قلبي انت كويس ممكن انت تعبان او حاجه!؟
=عمري ماكنت كويس اكتر من النهارده
بقولك ؟
_ايه !؟
=عيونك دي ولا لينسيز؟
_ايه!؟
=ضحكت يعني قلبها مال
_حقيقي مش مصدقه اللي انا فيه
=طب ايه!؟
_ادم قلبي معرفش يحب غير لما عرفك
=ياحمايا الحقني يا حمايا
علي حسب الريح مايودي الريح مايودي الريح مايودي ،وياه انا ماشي ماشي ماشي ،ماشي ولا بيدي❤️🪄
بقلمي/نيره السيد✨
《هل واجهتك صعوبات في المجال وكيف تخطيتها؟》 :-
في الحقيقه لا لسه ..لسه ببدأ طريقي واتمني الصعب اللي يواجهني اعرف اعديه
《من أكثر الشخصيات التي تعتبرها قدوة لك في مجال الكتابة》 :-
الكاتب /احمد خالد توفيق طبعا
والدكتور ابراهيم الفقي
الكاتبه فاطمه عبد المنعم حقيقي بحب اسلوبها جدا
《مثلك الأعلى؟》 :-
بابا اكيد هوا مثلي الاعلي
《هل يوجد لديك مواهب اخرى؟》 :-
لا من صغري وانا عارفه اني موهبتي هيا الكتابه
《كلمنا عن خططك المستقبلية وما تريد تحقيقة》 :-
كل اللي نفسي فيه في المستقبل اكون معروفه وليا كتب مشهوره وناس تعرفني وبتحبني
ودا اللي بخطط ليه
《كلمة تريد توجيهها للجيل القادم》 :-
ان احنا في زمن صعب بس ده ميمنعش انك تقف ومتحققش حلمك مهما كان هوا ايه ..حاول مره واتنين لحد اما توصل للي نفسك فيه
《هل تريد إضافة أي أسئلة آخرى》:ـ
لا شكرا ليكي بجد
《كلمه تريد قولها لنختتم بها الحوار》 :-
انا سعيد جدا للتعامل مع جريده ارتقاء كاتب وكان شرف ليا اني اكون في حوار معاكم
♡♡♡♡♡♡♡♡♡♡♡♡♡♡♡
رئيس التحرير: هاجر محمد ﴿الملاك الحزين﴾
المحررة الصحفية:- أمنيه اسامه شلبى 'گـاتبه الظلام
♡♡♡♡♡♡♡♡♡♡♡♡♡♡♡
